“Zuri”, “Gaizki” eta “Haripiloak” : Hiru antzezlan labur euskaraz

Hendaia Euskaraz-en baitan, hiru euskarazko antzezlan labur proposatzen zaizkizue Borderline Fabrikan.

ZURI

Espetxean oso erraz sartu daiteke baina bertatik ateratzea ez da inoiz erraza izan. Zoritxarrez sistema kapitalistak oraindik erabiltzen dituen instituzio zaharkitu hauetan gertatzen diren istorioetako bat da hau.

“Sartu zaratarik atera gabe… Ixo! Gaur zure lehenengo eguna da”.

Kompainia : Goitibera Antzerki Taldea

Zuzendaria: Saioa Iribarren

Aktoreak: Gaizka Chamizo, Ander Basaldua

GAIZKI

Gaizki hirukote baten istorioa da. Edo bikote batena. Edo ezagutzen ditugun bikote guztiena. Erlazio barruko bidaia bat. Edo erlazio kanpokoa. Bi izatetik hiru izatera. Zer falta da. Zer dago soberan. Nork amaitzen du ondo, nork amaitzen du gaizki.

Zuzendaria: Joserra Fachado

Aktoreak: Iñaki Cid, Eneritz Sanchez, Iñigo Elosegire

HARIPILOAK

Alfontso gazteak betidanik aldarrikatu izan du sexu askatasuna, monogamia eta erlazio tradizionalak gaitzetsiz. Txortan egiteak ematen zion bizia Alfontsori, pertsona batez maitemindu eta bihotza erdibitu zioten arte. Orain arte egin duen guztiaz jabetu da eta buruhauste guzti hauek errotik mozteko Maite psikologoarengana joko du. Izango al du Maitek maiteminak eragindako zauriak sendatzeko modurik?

Aktoreak: Lohizune Teletxea, Luis Mitxelena

Gaualdi goxoa antzerkiaren inguruan pasatzeko eta talentu berriak ezagutzeko parada!

SARRERA : 5€