OIHANA

Itzuli konpainia (Baiona) – Iraupena: 60 mn

Euskarazko antzerki eta dantza ikuskizuna (10 urtetik goiti). Kultur Sasoiaren eta Euskal Kultur Erakundearen Ibilki (euskal antzerkiaren hedapenaren sostengua Iparraldean) dispositiboaren baitan.

Etorkizun hurbil batean, Oihana, Lur bere amarekin eta Argia, bere amatxirekin, bizi da. Mendeetan zehar, jakintzak eta ohiturak, familiako emakumeen artean transmitituak izan dira dantzaren bitartez. Baina, katea moztu egin da. Oihana, ez da gai hizkuntza hau eta dakartzan sekretuak ulertzeko. Gau batez, Oihana, ametsetan bidaiatzen ahal duela ohartzen da. Ordutik, ausardiaz eta kuriositate handiz, bere iragana deskubritzera abiatzen da eta honekin batera, hizkuntza misteriotsu hau hitz egiten duten emakumeak ezagutzera: sorginak.

Oihanak, dantza eta antzerkia uztartuz, transmisioa eta identitatearen eraikuntzari buruz hitz egiten digu.

Prezioak: 12€ / 6€. Txartelak salgai Mendi Zolan kulturgunean eta www.hendaye-culture.fr webgunean.